15. juni 2016

Biolesesirkel: Kampene - Et portrett av Kim Friele

Tema for Moshonista sin biografisirkel i juni er I rettferdighetens navn, dvs. at me i denne runden skal lesa biografiar om/av folk som har kjempa for rettferd, likskap og likestilling. Kort sagt: Personar som har kjempa for det gode. Eg har lese Ola Henmo sin biografi om den kjende samfunnsdebattanten og homoaktivisten Kim Friele.


Cappelen Damm 2015
159 sider
Kjelde: Lånt ebok, eBokBib


Du er eit av mine store førebilete, og ei kvinne som har gjort Norge til eit klokare og rausare land, sa kronprinsesse Mette-Marit til Kim Friele då dei to og biografen Henmo samtala på Gol bibliotek tidlegare denne månaden. Det er ikkje vanskeleg å vera enig med kronprinsessa i det.

Arrangementet på Gol var sett i stand i samband med at Litteraturtoget 2016 hadde utanforskap som tema. (Ein kan meina mangt og mykje om det kongelege litteraturtoget, men eg tykkjer at litteratur er av dei meir fornuftige tinga ei kronprinsesse kan engasjere seg i..)

Så mykje nytt byr ikkje biografien/portrettet til Henmo på. Friele ga ut sin eigen sjølvbiografi alt i 1990, så ein kan sei at det meste er kjent frå før. Det er likevel ganske interessant - og ofte morosamt - å lesa om hovudpersonen sine kampar og historia om homorørsla.

Karen-Christine Wilhelmsen vart fødd i Bergen i 1935. Førenamnet vart etter kvart forkorta til Kim og etternamnet gifta ho seg til i 1959. Ekteskapet vart kortvarig, for Kim "fann seg sjølv" etter ei tid. Takka vere tolerante foreldre og ein trygg oppvekst hadde ho også det motet som skulle til for å stå fram offentleg som homofil i ei tid då dette var tabu.

I dag er vel dei fleste av den oppfatning at kjærleik er kjærleik, same kva legning den enkelte har. Men slik har det slett ikkje alltid vore. Heilt fram til 1972 var homofile handlingar mellom menn forbode. (Kvinner/lesbiske var ikkje nemnde eingong i straffelova § 213. Ein kunne ikkje tenkja seg at det gjekk an å ha sex utan at ein mann var med i biletet..) Fram til 1978 var homofili definert som ein psykiatrisk diagnose. I 1981 vart homofile lovbeskytta mot diskriminering - og i 1993 fekk dei rett til partnerskap. Kim Friele bidrog aktivt i alt dette arbeidet sidan ho hadde ei sentral rolle i Det norske forbundet av 1948 og seinare i Landsforeningen for lesbisk og homofil frigjøring. Kim Friele er med rette blitt hylla og dekorert for innsatsen sin, men ho har også trakka på nokre tær opp gjennom åra. Det legg ikkje Henmo skjul på i denne boka. Friele brukar "stor plass" og kan nok oppfattast som skarp og stri.

Det er framleis vanskeleg for mange å komma ut or skapet. Difor er det flott at det finst menneske som Kim Friele, som har kjempa og stått på barrikadane på vegne av alle homofile og lesbiske - i ein kvinnealder. Kim Friele og hennar partner og store kjærleik Wenche Lowsow fyller år på same dato. Nyleg (27. mai) vart Kim 81 år og Wenche 90. No er Wenche sterkt redusert av sjukdom, men dei har halde saman i nær 40 år, i gode og onde dagar.

Om få dagar opnar Oslo Pride 2016. Festivalen kjem sikkert til å bli prega av den grusomme hendinga i Orlando for nokre dagar sidan. Ekstremt homohat og homofrykt eksisterer i enkelte fundamentalistiske miljø. Me er komne langt når det gjeld likestilling og likeverd i landet vårt, men homofili er framleis ulovleg i 75 land. Homokampen er framleis aktuell.

16 kommentarer:

  1. Jeg syns denne biografien bare var såå utrolig bra! Jeg her ikke lest selvbiografien, men den skal selvfølgelig leses. Hva Kim Friele har fått gjennomslag for i løpet av sine 50 år som aktivist og homoforkjemper er intet mindre enn formidabelt. Som deg syns jeg boka var både interessant og humoristisk. Friele er virkelig ei fargerik dame, og virker som ei kruttønne. Som hun sa, hadde jeg som barn blitt diagnostisert idag ville jeg nok hatt AD/HD... Førr ei dame! Som deg, igjen, jeg er fullt ut enig med prinsesse-MM: Et stor forbilde som Norge kan være stolte av å ha! Flott bok, kjekt at flere leste den :)

    SvarSlett
    Svar
    1. Friele er ei kjempedame, eg er sjølvsagt enig i det. Ho har betydd mykje for mange.

      Slett
    2. Forstod jeg deg rett at du har lest selvbiografien/memoarene? I såfall, hvordan var boka?

      Slett
    3. Eg las "Troll skal temmes" for mange år sidan, så eg hugsar ikkje så mykje av den. Men Friele fortel i alle fall levande og godt, spesielt om barne- og ungdomstid. Dei to biografiane utfyller og overlappar kvarandre.

      Slett
  2. Flott omtale Berit!
    Ja, Friele er en sterk dame, og slike må til for at noe/noen skal komme igjennom i en kamp for rettigheter og mot fordommer.
    Orlando- tragisk. Viser bare at kampen fortsatt er veldig aktuell, skjønt jeg tror det skal veldig mye til i en del fundamentalistiske miljøer .

    Boka var jo heller ikke lang, ser jeg, så kanskje jeg plukker den opp en dag.

    SvarSlett
    Svar
    1. Dette er ei kort og grei bok som oppsummerer Friele sitt liv og den norske homorørsle-historia. Bør lesast, meiner eg.

      Slett
    2. Skjønner at den er verdt å lese, og siden den er såpass kort er det jo ikke store bøygen..

      (jeg også har alltid tenkt på kaffe-Friele når jeg har hørt om Kim Friele-- jfr det Tine skrev)

      Slett
    3. ( hos en annen blogger av dere tre)

      Slett
  3. Veldig god omtale Berit. Jeg likte også boken, selv om jeg ikke var så grundig som deg. men for ei dame, en må bare bli imponert over alt denne damen har klart, det er en formidabel jobb hun har gjort :)

    SvarSlett
    Svar
    1. Takk for det, Gro. Eg er like imponert som deg over den jobben ho har gjort.

      Slett
  4. Denne boken visste jeg ikke om en gang. Kim Friele er en bergenser jeg er stolt av, og i lys av tragiske hendelser i det siste, ble dette "plutselig" en sørgelig aktuell bok.

    SvarSlett
    Svar
    1. Det har du rett i.
      Ja, Bergen kan vera stolt av denne dama!

      Slett
  5. Flott omtale, Berit! Og veldig kjent at så mange har lest denne boka i biografisirkelen denne runden. Det er en dame og sak som er viktig å få frem i lyset! Selv om vi har kommet langt her i Norge, har vi et stykke igjen. Håper og ber om at hendelsen i Orlando, og Pride-festivalen i helgen kan være med og stake veien videre i den gode retningen!

    SvarSlett
    Svar
    1. Takk for tilbakemelding! Eg finn det interessant at tre av oss har assosiert "I rettferdighetens navn" med Kim Friele og homokamp..!

      Slett
  6. Til at Kim Friele var kun et navn jeg hadde hørt, med sterke kaffeassosiasjoner er hun nå solid på radaren min. Det skal dere 3 biografilesere ha takken for. Du skal ikke se bort ifra at jeg plukker opp boka i neste runde. Fresk frøken eller frodig frue?
    Veldig lei meg dog for at emnet plutselig - igjen - havnet i nyhetene.

    SvarSlett
    Svar
    1. Denne boka er perfekt til neste runde - også.
      Forstokka, avlegse, intolerante og farlege haldningar finst framleis, i ulike miljø. Kampen er ikkje over.

      Slett