254 sider
Lånt papirbok biblioteket
Dette er ei heilt ny bok som passar bra som påskelesing: Åtte perfekte mord byr på eit puslespel-aktig kriminelt mysterium som ein kan kosa seg med framfor peisen, i sofakroken eller ved hytteveggen. Boka er òg ein hyllest til krimsjangeren og Agatha Christie og andre kriminalforfattarar.
Hovudperson og forteljarstemme er Malcolm "Mal" Kershaw, eigar av ein bokhandel med kriminalromanar som spesialitet. Bokhandelen har ein tilhøyrande bokblogg, og der har Mal laga fleire ulike lister, m.a. ei som omhandlar åtte perfekte mord.
Som bokbloggar tykkjer eg naturlegvis at eit slikt utgangspunkt for handlinga i ein roman er veldig artig.
Mal vert kontakta av ein FBI-agent som har funne ut at ein heil del ulykker/mystiske dødsfall den siste tida kan ha ein viss samanheng med blogglista. Kan det verkeleg vera snakk om at ein mordar brukar lista som inspirasjon? Mal befinn seg plutseleg midt i ei etterforsking, og han innser raskt at han kan sjåast på som ein mistenkt. Eller er han eit offer? Både på eiga hand og saman med FBI-agenten prøver Mal å finna ut kva som kan ha skjedd. Det vert ikkje enkelt - for her er det trass alt snakk om perfekte mord..
Mange av dei krimlitterære referansane i boka er ukjente for meg. Men dei tre Agatha Christie-romanane 'Mord etter alfabetet', 'Doktoren mister en pasient' og 'Dermed var det ingen' kjenner eg godt til. Dei har alle ein viss betydning for både saka og handlinga i boka.
Mal er ein mangesidig karakter, og lesaren får tidleg kjennskap til at han er ein ber på ei stor sorg. Gradvis får me vita at han har andre og mørkare hemmelegheiter. Men kva er løgn og kva er sanning?
Åtte perfekte mord er elegant og original, meir interessant enn spennande. Boka er overraskande langsam, for eg brukte forholdsvis lang tid på dei 254 sidene.
Dersom du likar kriminalhistoriar med fiffige og finurlege krumspring er Åtte perfekte mord - heilt perfekt.
Interessant. Jeg har en bok av Swanson her, tror det er den før denne. Har ikke lest noe av ham før, men så han på Krimfestivalen digitalt nå.
SvarSlettBle nysgjerrig på denne også. Jeg synes også det er artig med bokblogg og bokhandlere sentralt i en roman.
God helg til deg Berit:) Og påske når den kommer:)
Swanson sine bøker er sjølvstendige, så ein treng ikkje tenkja på kronologi og slikt. Eg likar bøkene hans, har lest alle utgitt på norsk. "Den før denne" er truleg 'Alle disse vakre løgnene', som eg las tidlegare denne månaden. Heilt annleis og meir ujamn enn denne, men gav også den ein 4'ar.
SlettBåde 'De som fortjener det', 'Den tikkende kvinnen' og 'Hennes største frykt' anbefalast.
Plutseleg fredag igjen ja - God helg!
Kronologi er ikke jeg så opptatt av uansett, men kjekt å vite.
SlettDen boka jeg har er "Dødelig bekjentskap " som kom i 2020. Måtte hente den fram fra en krimbunke her;) Var medlem i Krimklubbben da og glemte å avbestille.
Takk til deg også:)
'Dødelig bekjentskap' har gått meg hus forbi. Takk😊
SlettSitter og slapper av etter lang tur, og får beskjed fra biblioteket om å hente en bok. Hjelp!! vi kjører på påskeferie i morgen, orker jeg å gå ut?? Så leser jeg innlegget ditt, og igjen blir jeg inspirert til å lese Swanson. Det var akkurat det jeg trengte for å komme meg ut i regnet igjen, de tre bøkene du anbefalte Anita er ledig, så jeg hiver meg på sykkelen igjen.
SvarSlettTakk for inspirasjon og ikke minst enda litt trim i drittværet :)
God påske Berit!
Haha! Kjekt å vera til inspirasjon på fleire måtar.
SlettGod påske, Tine😊