Påbyrja i november, fullført i desember:
Terje Bjøranger - Taperen (Charlie Robertsen #6) - Norsk krim - Lånt ebok BookBites
Arnaldur Indriðason - Kongen og klokkemakeren - Islandsk historisk roman - Lyd Storytel
Lese i desember:
Odd Nordstoga - Spelemann - Norsk sjølvbiografi - Lyd Storytel
Levi Henriksen - Snø vil falle over snø som har falt - Norsk roman - Lyd Storytel [gjenlesing]
Aslak Nore - Alliansen - Norsk spenningsroman - Lånt ebok BookBites
Jan-Erik Fjell - Ulvestuen - Norsk krim - Lånt lydbok BookBites
Åge Aleksandersen og Levi Henriksen - Lørdagsbarn - Norsk dokumentar/biografi - Lånt lydbok BookBites
Edvard Elsrud - Berte Skrukkefyllhaugen - Norsk dokumentar/biografi - Lyd Storytel
Jan Mehlum - Inn i mørket - Norsk krim - Lånt papirbok biblioteket
Påbyrja i desember, fullførast i januar:
Tore Skeie - Hardråde - Historisk/biografisk dokumentar - Lånt ebok BookBites
Levi Henriksen - Lyset de døde ser - Norsk roman - Lånt papirbok privat
6 lyd, 2 ebøker, 1 papir
5 lånt, 4 abonnement
4 krim, 2 andre romanar, 3 biografiar
8 norske, 1 islandsk
Nye forfattarar: Elsrud
Levi Henriksen vart månadens forfattar for meg. Eg las den fine Snø vil falle over snø som har falt for tredje gong (i bloggtid faktisk, det seier litt om kor god boka er) og har no i romjula starta lesing av oppfølgjaren Lyset de døde ser.
Dessutan oppdaga eg plutseleg at Henriksen har skrive bok saman med Åge Aleksandersen! Eg er glad i dei begge, og Lørdagsbarn vart ei særs fin leseoppleving der Åge fortel og Levi formidlar. Av Åge sine mange sangar og album har dei to (eg reknar med at dei har samarbeidd) plukka ut 21 sangar. Nokre velkjende, andre ikkje fullt så kjende og nokre heilt ukjende for folk flest.
Odd Nordstoga er ein triveleg kar. Triveleg er òg sjølvbiografien hans, spesielt sidan han les lydboka sjølv. Ein annan interessant biografi/dokumentar er historia om Vassfaret og Berte Skrukkefyllhaugen. Artig namn, tykkjer du kanskje? Javisst, Skrukkefyllhaugen vart i 2022 kåra til det artigaste stadnamnet i landet. På det meste var det 12 bruk i Vassfaret, den siste garden vart fråflytta i 1914 og Berte (1854 - 1950) var ein av dei siste fastbuande der. Boka kom ut fyrste gong i 1980.
Arnaldur Indriðason har med Kongen og klokkemakeren forlate krimsjangeren og gitt ut ein historisk roman. Boka skal ha fått god mottaking av anmeldarar, sjølv er eg meir lunken. Historia er ikkje uinteressant, men boka ville blitt betre med ei oppstramming.
Taperen (Bjøranger) og Alliansen (Nore) er alt omtalt og når det gjeld Ulvestuen (Fjell) og Inn i mørket (Mehlum) viser eg til ein kommande samleomtale.
No ved årsskiftet har eg atter ein gong "hamna i" vikingtida. Eg les Hardråde, Tore Skeie si nyaste bok. Dette er veldig interessant lesing for alle som er fascinerte av vikingtid og middelalder. Forfattaren er ein veldig dyktig formidlar - og eg er minst like begeistra for Hardråde som for Hvitekrist.
Kort årsstatistikk
(Fjorårets tal i parentes)
- 102 (96)bøker, fordelt slik på sjanger:
- 68 (63) krim- og spenningsromanar
- 8 (12) andre romanar
- 26 (19) sakprosa - 67 (55) lydbøker, 19 (26) ebøker, 16 (13) papirbøker
- 50 (50) lånt, 39 (42) Storytel-abonnement, 9 (1) kjøpt, 3 (3) fått, 1 (0) leseeksemplar
- 15 (15) utgitt før 2011, 59 (43) utgitt 2011-2024, 28 (37) utgitt i år (av dei 17 (20) norske).
- 50 norske, 26 svenske, 11 britiske, 7 islandske, 2 danske, 2 finske, 2 australske, 1 fransk, 1 kanadisk.
- Terningkast: 46 5'arar, 49 4'arar og 7 3'arar
- 24 "nye" forfattarar
- 67 menn, 46 kvinner (dvs. 11 bøker skrivne av forfattarar av begge kjønn. Det var m.a.o. Maj Sjöwall som bidrog til at kjønnsfordelinga ikkje vart så skeiv som normalt i 2025)
Kort årsoppsummering
Eg kjem òg til å halda fram med å lesa etter innfallsmetoden og lystprinsippet, avgrensa av kva som er tilgjengeleg av lån og abonnement til ei kvar tid.
Så artig at vi har lest like mange bøker i 2025:)
SvarSlettAv desemberbøkene dine har jeg bare lest Taperen. Har forøvrig Alliansen og Henriksen sin siste liggende hjemme. Jeg må ta meg på tak når det gjelder Henriksen, har lest svært lite av han, og får alltid lyst til å lese hsn siste bok når han snakker om den.
Ønsker deg et riktig godt nytt leseår, og godt å høre at du verken har lese- eller blogge-vegring , men følger lysten og tiden:)
Levi Henriksen er blant dei få norske samtidsforfattarane (som ikkje skriv krim) som eg likar. Eg likar det sorgmuntre og nostalgiske han formidlar. At han fann tonen med Åge Aleksandersen er difor ikkje så overraskande. Du må få med deg Lørdagsbarn, den er skikkeleg fin.
SlettGodt nyttår til deg og!
Jeg hørte Levi og Åge på Høstmøtet til Bonnier. Virker som et godt samarbeid. Men jeg har lest to biografier om Åge, så er usikker på om jeg skal lese denne. Handler den ikke mest om sangene til Åge?
SlettTakk, ja:)
Godt nyttår Berit! veldig kjekt å lese oppsummeringen din. Har merket meg at du blogger litt sjeldnere men er glad for alle livstegn, selv om jeg har blitt sløvere på å kommentere. Det handler vel om prioritering av (fri)tiden som du så treffende kaller det. Jeg skal prøve å justere litt, så jeg kanskje dropper omtaler av bibliotek/bookfacebøker, og bruker litt mer tid på å kommentere.
SvarSlettJeg er enig med deg Levi Henriksen er virkelig godt, regner med at du koser deg med den nyeste. Jeg angrer litt på at jeg ikke leste Snø på nytt før jeg heiv meg over Lyset.
Gleder meg til å følge de i året vi nå har startet :)
Godt nyttår, Tine! Det er kjekt å følgja "gamle" bloggtravarar, det meiner eg oppriktig.
SlettEg er også blitt sløvare/tregare når det gjeld kommentering og å svara på kommentarar. Slik er det berre blitt. Eg prioriterer dessutan lesing framfor skriving, men legg jo merke til at eg hugsar mykje meir av dei bøkene eg har omtalt/anmeldt. Så burde kanskje satsa meir på kortomtalar/samleomtalar framover.