7. januar 2016

To kjappe og greie

Kistemakeren av Frode Granhus
Lydbokforlaget 2015
Speletid: 9:21
Opplesar: Nils Johnson
Kjelde: Lånt på biblioteket

I den fjerde boka i Rino Carlsen-serien er handlinga igjen lagt til Lofoten. Eg likar godt det ein kan kalla bygdekrim - og lofotkrim er vel ein form for bygdekrim? I alle fall; kontrastane mellom det storslagne i naturen, dei uhyggelege forbrytelsane og det elles rolege lokalsamfunnet skapar ein heilt spesiell stemning - og Frode Granhus formidlar alt dette på ein bra måte.

Framleis er det Stormen frå 2012 eg likar best av bøkene til Granhus, men ein kan finna att mykje av det same i Kistemakeren; dei same kjenslene av uhygge, den same klaustrofobien og den like uventa tvisten på slutten.
I boka vert det stadig skifta perspektiv og veksla mellom fortid og notid. Då skulle ein jo tru at forteljinga hadde eit voldsomt driv - men eg sakna faktisk spenning og intensitet undervegs i lesinga. Mot slutten vert det rett nok ganske så spennande: Den siste fjerdedelen av boka gjekk unna i eitt strekk.

Kistemakeren handlar om nokre born som vert utsette for grusomme overgrep; å bli kidnappa, levande begravd i ei kiste, tappa blod av - og deretter sette fri. Det merkelege er at hendingane vert filma - og at eitt av desse opptaka vert funne. I ei parallellhistorie frå 1950-talet møter me ein person som vart utsett for store påkjenningar då vedkommande skulle behandlast for den frykta sjukdommen tuberkulose.

Rino Carlsen slit med kjærleikssorg når han no er kommen tilbake til Reine som lensmann, og er egentleg oppteken med ei sak om eit likfunn - men han finn ut at dei ulike sakene heng saman på eit vis. Medan eg las kjende eg meg ganske så trygg på at Rino skulle finna ut av både barnekidnapping-sakene og saka med det ukjende liket. At (den potensielle) kjæresten Guro får ei avgjerande rolle i oppklaringa var litt søkt, men gjer vel det heile ekstra dramatisk.

Kistemakeren er ei grei krimbok, verken meir eller mindre. Anbefalast om du har bruk for lettlest og småspennande lesestoff. Velg gjerne lydboka; Nils Johnson er ein glimrande opplesar.

- - - - - - - - - - - - - - - - - - - - - - - - - - - - - -

Det er du som er Bobby Fischer
av Christer Mjåset

Kagge forlag 2015
198 sider
Kjelde: Lånt ebok, eBokBib

Enno ei ny norsk krimbok som er heilt grei. Ingen tradisjonell kriminalroman, men meir ein slags thriller.

Handlinga er lagt til Lillehammer i notid, med tilbakeblikk på hendingar som fann stad i den same småbyen på 1980-talet. Ein kameratgjeng har ikkje sett kvarandre på mange år og møtest igjen; ikkje til ein hyggeleg reunion, men til ei gravferd. Det er barndomsvenen Kristoffer som er død.
Forteljaren Håkon har ikkje hatt kontakt med nokon frå vennegjengen på fleire år; ikkje sidan han flytta frå byen som tenåring. Håkon og Kristoffer var ei tid gode vener og hadde sjakk som felles interesse. Spesielt var dei opptekne av den legendariske VM-kampen mellom Boris Spasskij og Bobby Fischer. Her får tittelen på boka si forklaring.

Gradvis vert det avdekka at alle i denne gamle vennegjengen har ei felles mørk fortid; ei forsvinningssak som har prega dei og plaga dei gjennom heile livet. Ei forklaring og eit endeleg oppgjer er uunngåeleg.

Miljøskildringane i boka er gode. Eg budde sjølv på Lillehammer ein periode og kjende meg godt att i landskapet og miljøet der medan eg las.

Ifølge blurb'en på omslaget er dette "en mesterlig fortelling", men eg er ikkje heilt enig i det. Eg tykkjer boka, trass i lengden på berre 198 sider, er for langsam - på grensa til å vera treg.
Boka har ein gjennomgåande dyster stemning. Forteljarstemma er klar og truverdig, men ein kjem ikkje skikkeleg inn på dei andre karakterane. Dermed mistar ein litt av nærleiken til det som blir fortalt.

10 kommentarer:

  1. Jeg likte nok Kistemakeren bedre enn deg, men så leste jeg den i majestetiske omgivelser i Lofoten i sommer.. Det gjorde det hele ganske nært..
    Mjåseths bok har jeg hatt som ebok på dataen lenge, men har enda ikke lest den. Takk for påminnelsen..

    SvarSlett
    Svar
    1. Tenk på Bobby Fischer-boka som ein "vanleg" roman, sjå innspelet til den andre Berit nedanfor.

      Slett
    2. Ja, det har jeg skjønt etter hvert... ufra andre anmeldelser også. Jeg traff Kaggefolket og Mjåset på Lillehammer Litteraturfestivalen i mai, og han snakket mye om boka si da, og de delte ut pamfletter. Jeg fikk også manuset på mail før lansering, men rakk ikke å lese det. Må få gjort det dette året da-- Lett å tro at det var en thriller/krim da, men har skjønt at det er lurt å ha andre forventinger...

      Slett
  2. Aha... det er derfor familien har bestemt oss for å besøke Lofoten i sommer, jeg har blitt snik-påvirket :) Jeg likte Kistemakeren veldig godt, spesielt stemningen og naturbildene er flotte. Den andre boken har jeg ikke lest eller hørt, kjipt når korte bøker føles lange.

    SvarSlett
    Svar
    1. Oi! Dere også til Lofoten?!

      Slett
    2. Lofoten skal vera flott, seier dei som har vore der..

      Slett
  3. Tja... Jeg er vel kanskje/ stort sett enig i det du skriv. For så vidt..? Jeg var ikke overvettes begeistra for "Kistemakeren", lite truverdig, lite engasjerende, bare været var voldsomt. Likte Bobby Fischer bedre, men det er kanskje fordi jeg hørte den som lydbok og ikke hadde fått med meg at den skulle være spennende? Som "vanlig" roman fungerte den veldig bra.

    SvarSlett
    Svar
    1. Ja, eg hadde nok feil utgangspunkt som forventa meg spenning og krim når det gjaldt Bobby Fischer - men i omtalen frå forlaget blir det snakka om "psykologisk uhygge", "suggererende vekslinger" og "spennende til siste punktum". Ganske misvisande informasjon, etter mi meining.

      Slett
    2. Særdeles dårlig kundeveiledning og et godt eksempel på at man får mest fornøyde kunder hvis man er ærlig på hva det er man selger. Man blir jo litt skuffa hvis man trudde en kjøpte fiskekaker, men oppdager at det var oppdrettslaks i pakka da man står ved kjøkkenbenken klar for å lage middag :o)

      Slett
    3. Jeg gikk tilbake for å sjå hva jeg skrev om boka- og jeg hadde akkurat de samme innvendingene ift vaskeseddelen som du har! (Egentlig kunne vi bare hatt en felles blogg ;o)

      Slett