17. november 2013

KonspiraNorge - ei viktig bok

Det har vore dårleg med oppdatering på bloggen den siste veka. Det skuldast verken lesevegring eller bloggtørke frå mi side; eg har berre ikkje hatt inspirasjon til å skriva. Eg les like mykje som vanleg - og har no fire bøker som eg les parallellt. Eg har lagt merke til at enkelte bokbloggarar i det siste har gått lei og teke seg kortare eller lengre bloggepausar. Når lesing og blogging vert eit ork og ei plikt - dersom ein legg for mykje press på seg sjølv - er det heilt rett å ta ein time-out. Bokblogging og lesing bør vera lystbetont. Eg tykkjer fortsatt at bokblogging er ein morosam aktivitet, nesten like kjekt som å lesa - men er bevisst på å ikkje setja meg urealistiske eller for høge mål når det gjeld lesing og blogging.

Så til poenget. Det er søndag og Flukten fra virkeligheten serverer smakebitar frå ulike bøker som akkurat no vert lest der ute i bokbloggverda. Ei av bøkene eg held på med er KonspiraNorge av John Færseth - ei underhaldande og samstundes skremmande bok - om konspirasjonsteoriar.
Israel stod bak Anders Behring Breivik! Amerikanerne sprengte selv World Trade Center! Politikere og EU-byråkrater ønsker å snikislamisere Europa! Jens Stoltenberg er i virkeligheten jøde!
Konspirasjonsteoretikarane har sine eigne forklaringar på ulike hendingar og fenomen innan historie, samfunn og politikk. Dei ser ikkje på verda på same måte som dei fleste av oss - dei trur at i den "verkelege" verda sit mektige aktørar - små lukka grupper (Illuminati, Biederberg-gruppa, frimurarar, jødar..) - og trekk i trådar og meir eller mindre styrar heile samfunnsutviklinga i heile verda.

Forfattaren viser korleis slik tankegang kan leggja grunnlag for å spre både antisemittisme og muslimhat. Konspriasjonsteoriane gir enkle svar på kompliserte spørsmål - noko som i sin tur kan føra til både politikarforakt og manglande tiltru til demokratiske spelereglar.

Konspirasjonsteorimiljøet må møtast med fakta. Difor er Færseth si bok KonspiraNorge ei svært viktig bok.
Eg anbefalar Rose-Marie sin grundige omtale og gjennomgang av boka.

8 kommentarer:

  1. Er så enig med deg i at lesing og blogging må være lystbetont. Og i perioder der det ikke er det beste du gjør, er det greit å ta en pause. Fin smakebit på boka! Interessant.

    SvarSlett
    Svar
    1. Boka er interessant og grundig, artig og skremmande. Anbefalast!

      Slett
  2. Konspirationsteorier är alltid intressant att läsa om, ibland är de bara rent tokiga :)

    SvarSlett
    Svar
    1. Enig. Interessant og "tokig". Og litt ekkelt.

      Slett
  3. Enig i at blogging skal være lystbetont, ellers er det jo ingen vits.. Det er jo derfor vi gjør det, ingen har sagt at vi må. Og det er helt frivillig.
    Ang konspirasjonsnorge, så har jeg merket meg denne boka av Færseth. Han har også hatt foredrag i trondhiem om boka, som jeg dessverre ikke fikk anledning til å dra på.

    SvarSlett
    Svar
    1. Veldig godt poeng; blogging er heilt frivillig.

      Slett
  4. Jeg er også enig i at bloggingen skal være noe en gjør fordi en har lyst og ikke pga press, og innimellom er det godt med en pause eller time-out :)
    Konspirasjonsteorier liker jeg å lese om så denne skal jeg notere meg!

    SvarSlett
    Svar
    1. Enkelte legg nok for stort press på seg sjølve. Å ta ein pause kan hjelpa å komma på rett spor igjen og å fokusera på det positive.

      Slett