30. mars 2020

Oppsummering mars 2020

Det nærmar seg slutten av den mest spesielle månaden me har hatt nokon gong. Før ei oppsummering av lest og ulest i mars må eg ta med nokre ord om koronasituasjonen - ei krise som har ført til menneskelege, økonomiske og samfunnsmessige omveltningar. Ein usynleg fiende har råka oss alle - eit virus som har ført til sjukdom og død for utallige - og som me ikkje anar dei fulle konsekvensane av enno. Pandemien er nok enno kun i oppstartsfasen. Kven skulle trudd for ein månad sidan at liva våre skulle endrast så drastisk - så raskt?

Samstundes kjenner eg meg takksam. Fyrst og fremst fordi eg bur i eit land med eit godt utbygd helsevesen og med helsemyndigheiter som sette i verk drastiske og naudsynte tiltak. Dernest fordi eg framleis har ein jobb; ein jobb i det offentlege med pålagt heimekontor. Dette siste sparar meg for arbeidsreisetid, men eg saknar kollegaene mine og kvardagane mine. (Eg er óg takksam for at eg slepp å driva med barnepass og heimeundervisning sidan ungane mine er vaksne..)

Mest av alt saknar eg å vera saman med vener og familie. Men dette med å halda avstand og å vera mest muleg heime må bli normalen for oss alle ei god stund framover. Folk flest forstår alvoret og innrettar seg deretter. Som det stadig vekk blir sagt; det er ein dugnad, dette.

Eg tykkjer det er positivt at mange syner solidaritet og kreativitet i ei vanskeleg og uviss tid. På nettet kan ein til dømes finna aktivitetar som digitale byvandringar, konsertar, bokopplesingar og kunstutstillingar. Eg nyttar meg av ein del av desse tilboda, og finn dessutan stadig nye podcastar som er verdt å lytta til. Tv-seriar og filmar derimot, - det er ikkje noko for meg. Biblioteka er stengde, men eg har lagt merke til at det er blitt betre utval av ebøker og lydbøker i BookBites i det siste. Storytel har også eit godt og variert utval til folk med ulik lesesmak.

Heldigvis så likar eg å vera åleine heime og lesa bøker. Eg kjedar meg aldri fordi eg alltid har bøker på vent. Men når det er så mykje som skjer i samfunnet rundt meg og alt er så uvisst gjer det noko med konsentrasjonen. Eg har nesten ikkje blogga og omtrent ikkje lest andre bloggar denne månaden. Eg las ferdig seks bøker i mars:

Påbyrja i februar, fullført i mars:
Tor Bomann-Larsen - Folket (Haakon & Maud bind 2) - Norsk biografi/historisk dokumentar - Lydbok Storytel
C.J. Sansom - Opprør - Britisk historisk krim - Lånt papirbok privat

Lest i mars:
Val McDermid - Under overflaten - Britisk krim - Lydbok Storytel
Jo Nesbø - Flaggermusmannen - Norsk krim - Lydbok Storytel
Gard Sveen - Blod i dans - Norsk krim - Lydbok Storytel
Håkan Nesser - Nortons filosofiske memoarer - Svensk kortroman - Lånt ebok BookBites

Påbyrja i mars, fullførast i april:
John Harvey - Av kjøtt og blod - Britisk krim - Lånt ebok BookBites
Div. forfattarar - Påskekrim 2020 - Krimnoveller - Kjøpt papirbok
Håkan Nesser - Halvmorderen - Svensk krim - Kjøpt lydfil


1 papir, 4 lyd, 1 ebok
2 lånt, 4 abonnement
4 krim, 1 kortroman, 1 biografi/dokumentar
3 norske, 2 britiske, 1 svensk
5 menn, 1 kvinne
"Nye" forfattarar: Ingen.

Marsbøkene mine er av høgst ulik omfang: Opprør av C.J. Sansom er på 789 sider, Nortons filosofiske memoarer på kun 96 sider, inkl. illustrasjonar.

I april skal eg fyrst og fremst lesa ferdig dei påbyrja bøkene. Av dei er det Halvmorderen av favoritten Håkan Nesser eg har størst forventningar til. Dagen før "alt" vart karonastengt henta eg Niklas Natt och Dag sin oppfølgjar av 1793 (som logisk nok har tittelen 1794) på biblioteket. Ei anna bilbiotekbok som ventar er Den stille uke av Sven Petter Næss. Den skal lesast i påskeveka, men eg anar ikkje om det er denne veka det er snakk om i boka. Elles har eg tenkt å halda fram å lesa om Haakon og Maud, lydboka av bind 3 i serien, Vintertronen, er alt lasta ned på telefonen. Andre ventebøker eg gledar meg til er Våroffer av Anders de la Motte (lånt ebok) og X måter å dø på av Stefan Ahnhem (lånt lydbok). Eg håpar på å få tid konsentrasjon nok til å skriva nokre bokmtalar i den kommande månaden.

Eg ynskjer alle god påske og ein god lesemånad i april. Ta vare på kvarandre der ute!

9 kommentarer:

  1. Det er artig å se hvor forskjellige vi er, som deg er det flere som sliter med konsentrasjonen, også er det oss andre som trer ut av verden med å lese. Vi er heldige som har voksne barn og jobber ivaretatt av det offentlige, jeg har vært hjemme i over 2 uker, men er nå i barnehagen med 4-5 barn. Det er lange dager, barna skjønner ikke hva som skjer, og vi voksne savner trøkket.
    Du kan glede deg til Våroffer, jeg hører den nå og koser meg med den, det samme gjelder Halvmorderen, han svikter ikke denne gangen heller. Ha en fin lese-april og en så fin påske som mulig, i disse rare tider.

    SvarSlett
    Svar
    1. Ja, det er sanneleg interessant å sjå kor forskjellige me er og kor ulikt me reagerer på ein slik unormal situasjon som me er i no. Eg har egentleg god tid til å lesa og lytta til bøker, men er nok prega av det som skjer rundt meg. Eg er ikkje redd for å bli smitta og sjuk sjølv, men er uroleg for nære familiemedlemer i risikogruppa og har dessutan nær familie som jobbar med ekstremt sårbare menneske.
      Eg håpar på å finna litt ro og høve til lesing i påsken. Sidan eg har så bra bøker på vent bør det bli vellukka. Er så heldig at eg har hytte i same kommune som eg bur i, så dermed blir det hyttepåske dersom veret tillet det.
      God påske til deg óg, Tine.

      Slett
  2. Heldigvis liker jeg også å være hjemme og lese bøker :-) Jeg kjenner også på at situasjonen rundt oss er usikker og må være hjemme fordi jeg er ekstra utsatt om jeg skulle bli smittet. Mannen min går på jobb, men jobber ute slik at han ikke har så høy risiko for å bli smittet.
    C.J. Sansom har jeg tenkt på at jeg har lyst til å lese. Men nå har jeg bestemt meg for å lete frem uleste bøker i mine egne hyller og se om ikke jeg kan få lest bøker som har stått lenge på vent.
    Ha en riktig fin ny uke!

    SvarSlett
    Svar
    1. Me som likar å lesa er sanneleg heldige i desse koronatider.
      Anbefalar Sansom, serien om Shardlake er "outstanding".
      God påske, Astrid Terese!

      Slett
  3. Jeg har vel lest like mange bøker som deg, hvis jeg blir ferdig med Våroffer i kveld, og det regner jeg med. Og så leste jeg ferdig en tynn flis av et langdikt i dag, så da blir 7 når jeg oppsummerer. (tar det innlegget i morgen)

    Som deg har jeg flere i høyrisikiogruppen i nærhet, og da spesielt i nærmeste familie og det har skjedd ekstra sykdom, innleggelser og utskriving de siste dagene, nok bekymring uten corona, ekstra med- ja så da blir ikke konsentrasjonen noe særlig. Jeg vil ikke bli smittet, først av hensyn til dem og andre sårbare, men er litt usikker på om jeg også er i gråsonerisiko med astma og litt laber helse det siste året. Best å være føre var okkesom.
    Jobber 20 prosent nå etter lang sykemelding, men det er rart å prøve å komme i gang på jobb igjen med hjemmekontor og særdeles merkelige omstendigheter med telefon- og videomøter med kolleger og ungdommene vi jobber med.
    Det vil nok slite mest på ungdommene i lengden.
    Jeg personlig som er vant til å være inne og hjemme med introverte sysler som lesing etc tåler akkurat det godt.
    Aktiviteter ute kan alltids tas igjen, og noen konserter og bokbad etc har jeg fått med meg digitalt. Der er det mer enn nok av muligheter og tilbud for tiden.

    Jeg synes også det er interessant å følge med på del av nyheter, kommentarer, dybdeintervjuer, som særlig foregår på NRK om dagene, mye å lære, selv om man kunne vært pandemien og konsekvensene foruten, selvsagt.
    Så mye ekstra spenning er det ikke behov for i disse dager, synes jeg, men likevel leser jeg krim, da lettlest krim flyter sånn passe greit avgårde. Kunsten er å finne bøker som jeg i det hele tatt orker å lese for tiden.

    Ønsker deg en fin april Berit.:)

    SvarSlett
    Svar
    1. Eg veit godt korleis det er å vera bekymra for folk i nær familie. Og i desse dagar er det så mykje anna og mange andre å bekymra seg for. Då kan det vera vanskeleg å finna ro til lesing - og kunsten er som du seier å finna noko som engasjerer nok. Eg tykkjer krim passar ekstra bra no.
      God påske, Anita!

      Slett
  4. God påske og ny lesemåned. Jeg ble ikke ferdig med alle bøkene jeg begynte i mars jeg heller. Hvordan liker du Harvey boka? Den ser spennende ut. =)

    SvarSlett
    Svar
    1. Harvey er ny forfattar for meg, og det tok litt tid å komma i gang skikkeleg. Eg tykkjer han skriv godt, men noko omstendeleg. Spenningskurven er jamt stigande. Det ligg an til ein 4'ar på terningen.
      God påske til deg óg, Ina!

      Slett
  5. Noterer meg nok en gang Gard Sveen. Han ligger i køa. Er bare så mye som leses først. For mange tilfeldigheter og svingende leselyst. Krim er en av de tingene det er letteste å gjemme seg i. Tror aldri jeg har lest så mye krim på kort tid som nå (iår). (= flere på rad).

    Coronaen skremmer mer for hver uke. Ny info, nye bivirkninger og mer å bekymre seg for. Ikke rart at de fleste av oss sliter med konsentrasjonen.

    SvarSlett