Det er likevel litt artig å sjå kor mange og kven som er innom på bloggen, og mest underhaldande er å sjå på kva det vert søkt etter når dei kjem hit til denne beskjedne bokbloggen. For somme har nok heilt sikkert hamna her ved ein feil. Det gjeld til dømes dei som har søkt på "erotikk gratis" og "erotikk novelle" - og som berre finn eit blogginnlegg eg skreiv som handla om boka Sukker i skålen. Eit anna søk er "frekke berit ny blogg" (?!) Andre har søkt på "mønster korssting" og hamnar på bloggposten om boka Aggressive korssting. Ingen av desse finn nok det dei egentleg har vore ute etter her på denne bloggen - og klikkar seg fort bort herifrå, tenkjer eg.
Eksempel på andre søkeord er "dansk krim", "forfatterpar", "1q84 blogg", "bokbyen tvedestrand" og "krim blogg", - og mange av desse "søkjarane" finn truleg blogginnlegg som kan høva.
Dei fleste vitjar bloggen etter google-søk på bokomtalar, og det er eg veldig nøgd med. Det er trass alt bloggomtalane eg legg mest arbeid i og som eg verkeleg ønskjer skal lesast. Det er litt stas å finna sin eigen blogg høgt oppe på treffa på verdens største og viktigaste søkemotor. Søkeord som fører hit er "jo nesbø politi", "nygårdshaug mengele zoo", "arne dahl skjulte dyp" og "henning mankell ny bok" - men òg boktitlane "kirsebærsnø", "blodtåke" og "stolpesnø" fører hit. Samt forfattarsøk på f.eks. Birger Baug, Helene Uri, Arne Dahl, A.J. Kazinski og Parinoush Saniee.
Innlegga med flest kommentarar er bloggpostar knytta til boktema Boken på vent (Beathesbokhylle) og Smakebit på søndag (Flukten fra virkeligheten). Mine medbokbloggarar som deltek på desse utfordringane legg gjerne att venlege ord i kommentarfeltet. Dei reine bokomtalane mine har få kommentarar; det kan tolkast som om folk tykkjer det eg skriv er greit? Eller kanskje lesarane tykkjer det som vert skrive er opplagt og kjedeleg og difor lite interessant å kommentera?
Eg veit ikkje. Kommentér det gjerne! ;-)
Dei 5 mest leste blogginnlegga totalt hittil er
- Bokomtale: En norsk spion av Aslak Nore
- Bokomtale: Politi av Jo Nesbø
- Planar for sommaren
- Bokomtale: Smertens Aveny av Roar Sørensen
- Bokomtale: Stormen av Frode Granhus
Jeg opplever også at rene bloggomtaler får lite kommentarer. Jeg får mest kommentarer dersom jeg slakter en bok, eller skriver oppsummeringsinnlegg :)
SvarSlettMorsomt å titte på søkeord. Har lyst til å skrive om noe av det samme selv, for det er utrolig mye rart folk søker på når de kommer inn til bloggen min.
Tror at det med lite kommentarer på bokomtaler er gjengs over hele linjen, og en kan jo undres på hvorfor det er slik. Hadde et innlegg for en tid tilbake hvor jeg kommenterte dette med hva folk søker på og det er mye "morsomme" søkeord folk har gjort for så å komme til bloggen. Gratulerer med 10.000 sidevisninger. Ha en fin dag!
SvarSlett