28. juni 2015

Bokomtale: Slik treet faller av Britt Karin Larsen

Cappelen Damm 2014
492 sider

Kjelde: Lånt privat

Britt Karin Larsen held framleis koken. Bok nummer seks i Finnskog-serien har tittelen Slik treet faller - og eg er stadig like fascinert av finnskogkulturen, av folka i dette miljøet og av forfattaren sin unike måte å formidla det heile på.

Dei såkalla skogfinnane stammar frå finske emigrantar som slo seg ned i granskogane på Finnskogen på 15- og 1600-talet. Den særprega finnskogkulturen - med sin eigen byggeskikk, sin eigen jordbruksmetode og sitt eige språk - finst ikkje lenger. Då er det fint at museum og andre kulturbærarar - som forfattaren Britt Karin Larsen - formidlar kulturen og historia til oss.
Handlinga i Finnskog-bøkene til Britt Karin Larsen er lagt til området mellom Hedmark i Noreg og Värmland i Sverige på midten av 1800-talet og framover. I denne sjette boka er me komne til omlag 1910-20-talet.

Me møter igjen folka på Valkola og Mostamägg, Grønnåsen og Lauvåsen. Etter kvart har dei opprinnelege personane, Lina og Taneli, fått mange etterkommarar. Enkelte held framleis til i Finnskogen, men nauda har gjort at mange har flytta til hovudstaden, - og somme har reist heilt til Amerika. Persongalleriet er veldig stort, men Larsen held liksom ei stø hand over dei alle, - så det er lett for lesaren å halda fokus og engasjement. Både natur og menneske vert skildra med varme og kjærleik.

Som så mange andre er eg betatt av språket i bøkene. Kvar einaste side inneheld ein setning eller ein formulering som er ein fryd og ein glede å lesa. Larsen har ein heilt eigen forteljarstil. Nesten kvart korte kapittel vert innleia med eit ettertenksamt, filosofisk og "universellt" overblikk i ein spørjande og undrande tone - før det igjen vert fokusert ned på individnivå. Dette forteljargrepet er effektfullt og stemningsskapande:
"Noen synes synd på mennesker som dør uten å ha sett annet landskap enn skogens, men hva hjelper det å ha sett hele verden den dagen en likevel skal dø?"
Det nest siste kapittelet vert innleia på denne måten:
"Klokskap og tålmodighet kan få mennesker til å vente, eller mangel på mot. Å vente kan være en stor kunst eller et stort feilgrep, svaret fås bare etterpå, om det noen gang fås." 
Eg som er så glad i bøker og bibliotek likte også godt denne innleiinga:
"Biblioteket er skogens søster, det finnes en ro der, man føler seg beskyttet, hyllene med bøker er som trestammer man går inn bak, i ly for andre blikk, og var det kanskje ikke trær de var, både hyllene og bøkene i dem, en gang for lenge siden?"
Slik treet faller bør lesast sakte, slik at ein verkeleg får med seg alle fine detaljar. Samstundes er boka spennande og underhaldande. Forteljinga er full av små og store dramatiske hendingar; sorger og gleder, slit og strev, liv og død. Den allvitande forteljarstemma er lun og intens - utan å vera sentimental. Dei finfine natur- og landskapsskildringane må òg nemnast.

I august kjem den sjuande og avsluttande romanen i serien. Den har tittelen Kaldere mot natten og handlinga er der lagt til tida rundt 2. verdenskrig. Den gledar eg meg til å lesa, for eg er svært begeistra for serien. Alle bøkene anbefalast varmt - til absolutt alle. Dei er lærerike, , ekte, gripande - ja, rett og slett kjempegode leseopplevingar. Det er ein fordel å lesa dei i rett rekkefølge, dvs. å starta med Det vokser et tre i Mostamägg.

Eg koblar denne bokomtalen som eit Smakebit på søndag-innlegg. Du finn mange ulike smakebitar og boktips på bloggen Flukten fra virkeligheten.

19 kommentarer:

  1. Så fristende en anmeldelse.. Jeg har tre tykke bind av taterserien, samt de tre første av disse her.. men enda ikke lest.. Håper å greie å prioritere dem snart. Ha en fin søndag Berit.:)

    SvarSlett
  2. låter tilltalande! tack för smakebiten!

    SvarSlett
  3. Härligt med böcker som fångar en med sitt språk!
    Tack för smakbiten!

    SvarSlett
  4. Takk for smakebiter og forfattertips!
    God søndag! :)

    SvarSlett
  5. Väldigt fina citat och jag förstår precis liknelsen mellan skog och bibliotek. Jag gillar båda ställena :)

    SvarSlett
  6. Låter som en fin bok. Tack för smakebiten!

    SvarSlett
  7. Låter som en bok som jag skulle gilla. Tack för smakbiten!

    SvarSlett
  8. Ny bok för mig, tack för smakbiten!

    SvarSlett
  9. Tack för smakebiten, ny bok för mig

    SvarSlett
  10. Tack för smakbiten. Verkligt fint språk i smakbitarna!

    SvarSlett
  11. Låter som om språket är fint. Tack för smakbiten.

    SvarSlett
  12. Den här bokserien låter så bra. Jag måste få läst den en gång. Tack för smakbiten!

    SvarSlett
  13. Det er nesten så jeg angrer på at jeg hoppet av serien. Leste den første og den andre, men syntes de var så like så når nummer tre sto på planen orket jeg ikke enda mer av det samme. De er sikkert ikke like, og nå fikk jeg veldig lyst å hoppe på igjen :)

    SvarSlett
  14. Jeg gleder meg også! Det blir nok både fint og vemodig å lese den siste boka i serien, men som Anita har jeg tater-trilogien stående ulest i hylla- heldigvis!!

    SvarSlett
  15. Tack för fina smakebitar! Fint bokomslag också. :)

    SvarSlett
  16. Jeg har et samleeksemplar av de tre eller fire første bøkene i denne serien stående i bokhylla. Så langt har jeg bare lånt den bort til min kjære mor, de første bøkene likte hun godt, men den da hun kom til den siste ble hun litt mettet. Det er kanskje ulempen med å lese alle bøkene rett etter hverandre. Nå har det gått en stund, så kanskje er hun klar for neste bok :)

    En veldig flott omtale, jeg kjenner på lysten til å prioritere mitt eksemplar av de første bøkene, men så var det problemene med alle de andre bøkene jeg vil lese da ;) Jeg håper søndagen din har vært god, Berit.

    SvarSlett
  17. Takk for tilbakemelding alle saman!
    Som de skjønnar har denne bokserien gjort inntrykk. Dei bør som nemnd lesast kronologisk - men ikkje rett etter kvarandre, slik som Tine og Mari si mor erfarte. Kvar einaste bok bør fordøyast, smakast på, tenkjast på - før ein tek fatt på neste.
    Som Anita og Berit har eg også Tatertrilogien "tilgode", heldigvis.

    SvarSlett