4. januar 2023

Ny spalte: Dikt og slikt

Nytt år, nye mulegheiter:

Med dette startar eg opp ein ny kategori på denne bloggen. Overskrifta er "dikt og slikt" og tanken er at eg kvar onsdag vil presentera dikt (og andre tekstar) som eg tykkjer er fine/gode. 

For å sparka i gang spalta Dikt og slikt har eg plukka fram eit dikt som eg er glad i; Under bergfallet av Olav H. Hauge. Diktet kan sikkert tolkast i ulike retningar, men for meg er det veldig konkret - og eg veit at det betyr mykje for mange. Eg tykkjer det passar godt til årstida me er inne i og for landskapet eg bur i.

Under bergfallet

Du bur under bergfall.
Og du veit det.
Men du sår din åker
og trør trygt ditt tun
og lèt dine born leika
og legg deg
som inkje var.

Det hender,
når du stør deg til ljåen
ein sumarkveld,
at augo sviv som snarast
yver bergsida
der dei segjer
sprekken
skal vera,
og det hender
du vert liggjande vaken
og lyda etter
steinsprang
ei natt.

Og kjem raset,
kjem det ikkje uventa.
Men du tek til å rydja
den grøne boti
under berget
- um du då har livet.

   Frå samlinga Under bergfallet, 1951.

Eg er ikkje opptatt av å analysera dikt. Eg meiner at dikt og poesi ikkje skal tolkast og analyserast for mykje. Det er heilt individuelt og djupt personleg kva eit dikt betyr for den enkelte. 

Eg har mange dikt og sangtekstar "på lager"; tekstar som eg har funne, lese og teke vare på. Det er likt og ulikt: Nokre er fine, andre er rare, nokre er kjende, andre er ukjende. Planen er at det skal komma eit nytt dikt/tekst ein gong i veka på denne bloggen framover - og onsdag er ein like bra dag som alle andre dagar..

Det siste året har eg ikkje hatt tid til stort anna enn å leggja inn samleomtalar og månadsoppsummeringar her. Å laga til ei slik ny fast spalte er difor også eit forsøk på å halda bloggen "i live". Det tek trass alt ikkje så lang tid å finna fram eit dikt og skriva ein kort presentasjon.

Artemisias diktlesesirkel er eit veldig godt lågterskel-tiltak som kan vera til inspirasjon for folk som er glade i dikt. Eg har delteke nokre få gonger, med enkeltdikt. Kategori for diktsirkelen i september 22 var "Dikt fra etterkrigstiden - 1945 og frem til 1970" og diktet ovanfor kan passa inn der - sjølv om eg altså er veldig på etterskot.

Om Olav H. Hauge i SNL
Om Olav H. Hauge på Wikipedia

Apropos bergfall:
Biletet over fann eg på bt.no. Det er teke rett etter eit ras i heimbygda mi i mars i fjor.
Ein bygning fekk skade, men ingen personar vart skadde i denne hendinga.

8 kommentarer:

  1. Olav H. Hauge har skrevet så mange flotte dikt, liker hans dikt veldig godt. Fint at du har blitt med på Diktlesersirkelen. :)

    SvarSlett
    Svar
    1. Enig i at han har mange fine dikt. Ved årsskifte (og andre merkedagar) vert ofte to andre Hauge-dikt nytta: 'Din veg' og 'Det er den draumen'.

      Slett
  2. For en glimrende idè Berit, fra no blir onsdagen min favorittdag :) Kjempefint dikt, jeg var ikke kjent med det, så jeg fikk litt frysninger da jeg leste det. Tenkte på rasene som vi stadig hører om, og de menneskene som da føler det på kroppen. For et blinkskudd det bildet var!

    SvarSlett
    Svar
    1. Så hyggeleg kommentar, tusen takk. Eg har alt plukka ut neste onsdagsdikt :) Følg med!

      Slett
  3. Jeg er veldig glad i Olav H. Hauge - et fint dikt.
    Så spennende med dikt og slikt-kategori! Den skal jeg følge med på.
    Godt nyttår til deg.

    SvarSlett
    Svar
    1. Takk for hyggeleg kommentar og godt nyttår tilbake :)

      Slett
  4. Bra ide Berit:) Skal følge med, selv om jeg glemte å kommentere siste jeg leste dette.
    Olav H. Hauge er virkelig en suveren og folkekjær dikter. Og så urnorsk dette diktet er, slik er landet vårt, naturen, risikoen ved å bo på utsatte steder.

    Jeg legger det inn i diktsirkelfanen på aktuelle kategori, siden jeg ikke har oppsummert diktsirkelen og ordnet trekning enda:) Dess flere dikt i sirkelen, dess mer inspirasjon til andre om å lese dikt. Toppers !

    Og bra at du finner nye veier for å holde liv i bloggen:)

    SvarSlett
    Svar
    1. Takk for kjekk tilbakemelding. Ser me har funne kvar vår måte å inspirere andre til diktlesing😊

      Slett