28. oktober 2018

Smakebit på søndag: Jern & metall av Levi Henriksen

Gyldendal 2018
190 sider
Lånt ebok eBokBib

Levi Henriksen er ein forfattar som verkeleg beherskar novellekunsten. Dei 11 novellene i denne samlinga er alle fine leseopplevingar der ein finn truverdige miljø og overraskande avslutningar.

Novellesamlinga er slett ikkje noko revolusjonært kampskrift sjølv om tittelen Jern & metall gjerne får ein til å tenkja på fagrørsla og klassekamp. Men det handlar mykje om folk på grasrota og på golvet sine liv. Om vanlege folk med vanlege jobbar og vanlege liv. Om at alle desse vanlege folka er unike. Om kor viktig det er for alle å bety noko for andre.

Dei fine person- og miljøskildringane og den sorgmuntre melankolien er gjenkjenneleg frå tidlegare bøker. Landskapet er også denne gongen den fiktive bygda Skogli i nærleiken av Kongsvinger.

Ein kan ikkje sei at Levi Henriksen er ein jålete ordkunstnar, men han leikar seg med formuleringar og gode bilete.
«Jeg kaster et blikk mot åsene, og himmelrendene stirrer like tomme og værgrå tilbake.»
Fire av novellene handlar om jula, og desse har også vore på trykk i diverse julemagasin tidlegare. Har du lest Bare mjuke pakker under treet veit du kva du kan forventa; gripande, vare og såre julerelaterte forteljingar; ikkje utan sentimentalitet, men likevel heilt utan klissete føleri.
«Gjennom snødrevet kan jeg se det blinke i lysene på trærne langs veien, og jeg håper at jeg lot lyset stå på i huset slik at det ikke skal ligge som en nedsnødd gravstøtte i natta.»
Eg set pris på dei tvistane forfattaren ofte legg inn i avslutninga av forteljingane. Novellene handlar om dei nære ting og om store og små utfordringar livet gir. Levi Henriksen skriv klokt og forståeleg og det som slår meg medan eg les er at "det enkle er ofte det beste".
«Det er egentlig bare én ting som er tristere enn å ha bare tre-fire presanger å åpne på julaften, og det er å ikke ha noen å gi gaver til.»
Det vert fortalt om situasjonar og kjensler som me alle møter gjennom livet; om kjærleik og nærleik, om aldring og gløymsel og om sorg og einsemd.
«Ute er det fortsatt mørkt, og det kommer aldri til å bli lyst igjen. Jeg kan kjenne det i hele kroppen, som når man våkner om morgenen med vissheten om at det regner ute. Jeg sier navnet hennes, men den ligger bare kald i min.»
Eg er blitt veldig glad i denne forfattaren; eg føler ofte at han skriv direkte til meg som les. Av nolevande norske forfattarar (som ikkje skriv krim) har eg svært få favorittar. Levi Henriksen er ein av dei få.
«La oss bare si at jeg hadde et visst talent for å få linjer til å henge sammen på en måte som noen ganger kunne få andre mennesker til å nikke ettertenksomt.»
Novellesamlinga Jern & metall anbefalast på det varmaste.

Sidan eg har sitert frå boka, og sidan det no er blitt søndag, har eg lagt inn omtalen som eit Smakebit på søndag-bidrag. Dersom du klikkar deg inn på bloggen Flukten fra virkeligheten finn du fleire smakebitar frå ulike bøker. 

15 kommentarer:

  1. Vad härligt med noveller! Länge sedan jag läste det.

    SvarSlett
  2. Tack för smakbitarna. Det är härligt när man hittar en författare som "talar till en" på ett personligt sätt.

    SvarSlett
  3. Tack för smakbiten. Jag läser inte noveller så ofta men ibland, speciellt vid tidsbrist eller när jag är trött är det perfekt alternativ till romaner.

    SvarSlett
  4. Jag gillar noveller och korta berättelser som motvikt till romaner. tack för smakbit

    SvarSlett
  5. Tack för smakebiten, läser sällan noveller.

    SvarSlett
  6. Jag läser noveller mellan varven, kan vara ganska lagom. Tack för smakbiten!

    SvarSlett
  7. Eg har ikkje forelska meg i Henriksen, men ser at mange har det. Eg trur at han skriv bra, eg har berre ikkje tenkt at det er noko for meg. Eg har inntrykk av at han er flink til å gå til nettopp jernet og metallet. Utdraga dine var veldig fine, kanskje han skal få ein ny sjanse.

    SvarSlett
  8. Tack för tipset om en författare jag inte hört om förut.

    SvarSlett
  9. Jag tycker om att läsa noveller lite då och då. Tack för smakbiten!

    SvarSlett
  10. Tack för smakbiten. Ingen bok jag känner till. Noveller kan vara trevliga att läsa emellanåt.

    SvarSlett
  11. Känner inte till den boken. Tack för smakbiten!

    SvarSlett
  12. Jeg har lest og likt mange av romanene til Levi Henriksen, men ingen av novellesamlingene hans. Det ser ut som det er tid for å bli kjent med den siden av ham. Takk for flott lesetips Berit, og riktig god uke!

    SvarSlett
  13. tror inte att jag läst något av Levi Henriksen. tack för smakebiten!

    SvarSlett
  14. Det er ikke helt uten grunn at jeg har notert meg denne som ei av årets julebøker. Ingen klarer å formidle julemelankolien bedre enn Levi Henriksen- det er nesten så man kan sjå fram til jul likevel...

    SvarSlett