30. april 2020

Oppsummering april 20

Påbyrja i mars, fullført i april:
John Harvey - Av kjøtt og blod - Britisk krim - Lånt ebok BookBites
Div. forfattarar - Påskekrim 2020 - Krimnoveller - Kjøpt papirbok
Håkan Nesser - Halvmorderen - Svensk krim - Kjøpt lydfil

Lest i april:
Niklas Natt och Dag - 1794 - Svensk historisk krim - Lånt papirbok biblioteket
Tor Bomann-Larsen - Vintertronen (Haakon & Maud bind 3) - Norsk biografi/historisk dokumentar - Lydbok Storytel
Arnaldur Indridason - Fluktruten - Islandsk krim - Lyd Storytel
Sven Petter Ness - Den stille uke - Norsk krim - Lånt papirbok biblioteket
Katrine Engberg - Blodmåne - Dansk krim - Lånt lydbok BookBites
Anders de la Motte - Våroffer - Svensk krim - Lånt ebok BookBites
Tana French - Flokkdyr - Irsk krim - Lyd Storytel

Påbyrja i april, fullførast i mai:
Zeshan Shakar - Tante Ulrikkes vei - Norsk roman - Papirbok fått i gåve
M.J. Arlidge - Dukkehuset - Britisk krim - Lånt ebok BookBites



3 papir, 5 lyd, 2 ebøker
5 lånt, 3 abonnement, 2 kjøpt
8 krimromanar, 1 krimnoveller, 1 biografi/dokumentar
2 norske, 3 svenske, 1 dansk, 1 islandsk, 1 irsk, 1 britisk, 1 diverse
7 menn, 2 kvinner, 1 begge
"Nye" forfattarar: Harvey, Ness, Engberg

Koronasituasjonen og eit noko avgrensa sosialt liv pregar framleis kvardagen, men ting går seg til og tilværet er i ferd med å normalisera seg. Bloggeaktiviteten har vore låg i det siste, men no har eg i alle fall starta på nokre omtalar, og dei skal etter kvart bli publiserte her.

Etter heller laber leseinnsats i mars vart det meir fart på sakene denne månaden. Mykje krim som vanleg, men så har det då også vore påske - og då les vel "alle" krim? Tre nye krimforfattarar for meg i april, og eg skal lesa meir av både Harvey og Ness. Engberg og hennar Blodmåne derimot, den innfridde ikkje forventningane mine. Det gjorde ikkje Fluktruten heller, for eg veit at Indridason kan betre enn dette.

Eg vart heller ikkje overbegeistra for Våroffer og ser på denne som den svakaste av Årstidkvartetten. Eg "belønnar" likevel boka med eit terningkast 4, der stilen vert vurdert til ein 5'ar og innhaldet til ein 3'ar. Høgdepunkt i april vart to andre svenskar: Veteranen Nesser med ein ny kriminalroman med strek under roman og Niklas Natt och Dag med ei sterk forteljing frå Stockholm anno 1794.

Nemnast må óg Tana French. Flokkdyr er femte bok i "den ukronologiske serien" Dublin Murder Squad. French er verkeleg dyktig, både når det gjeld språk, forteljarmåte og psykologisk innsikt. Då får ein heller bera over med at boka er så omfattande.

Eg er framleis ganske betatt av biografiserien om kong Haakon og dronning Maud, men eg fann ikkje del tre like interessant som dei føregåande to. Om eg kjem til å fullføra heile verket på 8 bind er uvisst. Det som er sikkert er at Tor Bomann-Larsen er ein strålande forfattar og formidlar.

Omsider er eg i gang med den prisbelønte oppvekstromanen Tante Ulrikkes vei. Då det kokte "som verst" rundt denne boka for eit par-tre år sidan mista eg rett og slett lysta til å lesa ho. Men så fekk eg boka i bursdagsgåve her i fjor, og dermed følte eg meg forplikta til å ta ho fram etter kvart. Etter halvlest bok har eg framleis visse motforestillingar og veit ikkje heilt om eg likar det eg les. Eg har i alle fall store vanskar med å forstå språket til den eine forteljarstemma. Vel - den endelege "dommen" kjem i mai ein gong.

Eg har ingen konkrete leseplanar for mai månad, men det er ein ganske variert "bunke" med papir-, e- og lydbøker som ventar. Me som likar å lesa slepp å kjeda oss!

11 kommentarer:

  1. Herlig knippe bøker du har likt, jeg hang meg opp i Tana French, en forfatter jeg ikke har lest før. Bestilte Flukt på eBokBib, så nå er jeg i gang med henne. Jeg likte også Nessers siste godt, han har så herlig humor, spesielt når det gjelder gamle gubber. Den godeste Niklas sin første bok med 1700-talls "navn" har jeg lest, men ikke oppfølgeren (for det er vel det?) Jeg kom meg ikke gjennom Tante Ulrikke, uten at jeg vil gå inn på hvorfor. Ha en fin langhelg Berit!

    SvarSlett
    Svar
    1. Så hyggeleg å bidra med lesetips til ein bokslukar som deg. Eg likte Flukt veldig godt. Frank Mackey, som er hovudperson i Flukt, dukkar opp som biperson i Flokkdyr. Det er slik denne serien heng saman.
      Enig når det gjeld Nesser sin herleg underfundige humor; eg humra godt innimellom.
      Og når det gjeld T.U.V så innser eg at eg verken er i målgruppa eller har nok kunnskap i kebabnorsk.

      Slett
  2. Godt at leselysten er tilbake også hos deg.:) Det samme her.. lest mer i april enn mars.
    Niklas Natt og dag får mye god kritikk, men jeg føler at han blir for mye for meg (i brutalitet) og så er jeg heller ikke så glad i krim fra gamle dager. Samtidskrim derimot, liker jeg bedre. Også Mottes bøker, men jeg er enig med deg at de andre i serien er bedre, det er mer fart i dem. Men jeg liker stilen så godt og at de mye mer enn krim, så de er gode uansett.
    French har jeg på leselista, har en bok av henne i hylla, men det har jeg vel nevnt før.
    Engbergs første leste jeg, men ikke mer.. av ingen spesiell grunn, annet enn at jeg har mye annet bra å lese.
    Blant annet Ness, der jeg har fått i hus den siste boka hans.
    Ønsker deg en fin mai Berit. Godt at samfunnet åpnet mer opp og at det er vår og snart sommer:)

    SvarSlett
    Svar
    1. Eg trur du tenkjer "rett" når det gjeld Natt och Dag. Slik eg kjenner deg og lesesmaken din vil eg ikkje anbefala 1793 og 1794 til deg.
      French derimot, hennar bøker trur eg kan passa deg.
      Fin mai til deg óg, Anita.

      Slett
    2. Godt å få det bekreftet:)
      Takker:)

      Slett
  3. Våroffer likte jeg nok bedre enn deg. Den kongsserien har jeg lyst til å starte på og boka til Tana French virket fristende.
    Ha en fin mai!

    SvarSlett
    Svar
    1. Biografiverket om Haakon og Maud anbefalast om du er interessert i norsk historie. Mykje interessant stoff, og Tor Bomann-Larsen er ein god forteljar.

      Slett
  4. Husker jeg var besatt av Arnaldur en stund, før det gikk for lang tid mellom bøkene, og plutselig gikk han tilbake i tid og, jeg vet ikke, mistet bare interessen, tror nå det må være en håndfull bøker jeg ikke har lest. Du får meg til å vurdere Dublin Murder Squad på norsk, har utsatt fordi ryktene går om at de skal være fabelaktig lest på engelsk (irsk akksent) og de ligger uansett ikke på storytel, må i såfall bruke opp alle audiblekredittene mine. Rart egentlig, hadde storytel har kun de norske. Lydbokstømminga begynner mer og mer å bli som tvbiten. Stadig flere aktører og færre ting på samme sted. (Looking at you Penguin.. og Disney)..

    God 1.mai!!

    (merk at jeg ikke nevnte corona med et ord, prøver å skjerpe meg -)

    SvarSlett
    Svar
    1. Han er blitt treg, denne Arnaldur. For eg trur ikkje eg som lesar er blitt meir kravstor når det gjeld tempo og driv. Eller kanskje litt, etter mange år som krimlesar er eg vel meir kresen.

      For meg som ikkje er noko særleg god i engelsk hadde det ikkje nytta, men Dublin Murder Squad på irsk aksent høyrest veldig riktig ut! Ivar Nergaard er forøvrig ein ypparleg opplesar av serien på norsk.

      (Ein kan ikkje tenkja på korona heile tida. Godt me har bøker å forsvinna inn i)

      Slett
  5. Jeg liker BookBites! I mitt fylke er det Allbok som gjelder, men den når ikke like høyt opp for meg. Det eneste som virkelig mangler på BookBites er muligheten for å legge inn bokmerker.
    Fluktruten likte jeg kanskje bedre enn deg, men er enig i at det ikke er den beste til Indridasson. Den stille uke syntes jeg var fin og ser frem til neste av Ness. Men det var og alt vi har lest felles. Jeg har Våroffer her og skal lese den.
    Jeg leser vanligvis alltid krim på sengen, men så en dag i april sluttet jeg med det og hadde stort behov for noe annet. Så da tar jeg en krimpause og håper lysten kommer tilbake :-)
    Ha en fin 1.mai!

    SvarSlett
    Svar
    1. BookBites erstatta eBokBib ved årsskiftet i den delen av Vestland eg bur i, altså tidlegare Sogn og Fjordane. Var ikkje spesielt nøgd verken med søkefunksjon eller utval i byrjinga, men etter at korona sette dei fysiske biblioteka ut av spel har utvalet betra seg betrakteleg, både når det gjeld ebøker og lydbøker.
      Eg likar Erlendur-serien betre enn serien om Flovent og Thorson, men det er interessant å lesa om Island under 2. verdenskrig.

      Slett