Oppsummering mai 24

Påbyrja i april, fullført i mai:
Mikael Ressem - Levende død (Erik Sandström #1) - Svensk krim -  Lyd Storytel
Tove Alsterdal - Dyphavn (Eira Sjödin #3) - Svensk krim - Lånt papirbok biblioteket

Lese i mai:
Robert Bryndza - Shadow Sands-mysteriet (Kate Marshall #2) - Britisk krim - Lyd Storytel
Mikael Ressem - Kodenavn Styx (AMU/SNG #1) - Svensk krim -  Lånt lydbok BookBites
Sarah Pearse - Sanatorium - (Elin Warner #1) - Britisk krim - Lånt ebok BookBites
Mikael Ressem - Kodenavn Hades (AMU/SNG #2) - Svensk krim -  Lånt lydbok BookBites
Mikael Niemi - Stein i silke - Svensk roman - Lånt papirbok privat
Sara Strömberg - Skygger (Vera Bergström #1) - Svensk krim - Lånt lydbok BookBites
Øystein Morten - Jakten på Sigurd Jorsalfare - Norsk dokumentar/biografi - Lyd Storytel

Påbyrja i april, fullførast i juni:
Mona Ringvej - Landet mot nord - Norsk historisk dokumentar - Papirbok fått i julegåve

Påbyrja i mai, fullførast i juni:
Arne Dahl - Misterioso (A-gruppen #1) - Svensk krim - Lyd Storytel
Inger Johanne Øen - Det du eier evig (Silja Frost #1) - Lånt ebok BookBites

6 lyd, 2 papir, 1 ebok
6 lånt, 3 abonnement
7 krim, 1 annan roman, 1 biografi/dokumentar
6 svenske, 2 britiske, 1 norsk
Nye forfattarar: Ressem, Pearse, Strömberg, Ringvej

Månadens høgdepunkt: Stein i silke. Gripande, interessant, spennande. 

Månadens nedtur: Sanatorium. Oppskrytt, langtekkeleg, liksomskummelt. Samt ein ekstremt lite kompetent etterforskar. 
Kodenavn Styx og Kodenavn Hades er forsåvidt "ganske OK" bøker, men oversetjinga og den merkelege "bearbeidinga" til norske forhold - gjer at dei får stryk.

Mona Ringvej sin norgeshistorie Landet mot nord er veldig interessant lesing. Eg har valt å bruka ein del tid på boka, og les i ho mellom andre bøker. Det er naturleg sidan ho er oppdelt i 22 enkelthistoriar. 

Eg har planlagt å bruka deler av sommaren på gjenlesing av Arne Dahl sin serie om A-gruppen. Den fyrste boka Misterioso kom ut på svensk alt i 1999, og eg las ho i 2012. Det har altså gått tolv år (og mange bøker) sidan forrige lesing. Denne gongen satsar eg på lydbokformatet. Heile serien er tilgjengeleg i Storytel med dyktige Jan Martin Johnsen som opplesar.
Gjenlesing av bøker er noko eg har varierande erfaring med, men eg er ganske trygg på at eit nytt "møte" med folka i A-gruppen vil bli positivt. 

Oppsummering mai 23

Påbyrja i april, fullført i mai:
Kurt Aust - Kongefrykt - Norsk historisk krim - Lånt ebok BookBites
Robert Bryndza - Nine Elms-morderen - Britisk krim - Lyd Storytel

Lest i mai:
Kristina Ohlsson - Skoddehav - Svensk krim - Lånt papirbok privat
Håkon Høydal - Abida Raja. Frihetens øyeblikk - Norsk biografi/debatt - Lyd Storytel
Kurt Aust - Når døde hvisker - Norsk historisk krim - Lyd Storytel
Kim Faber og Janni Pedersen - Skyggeriket - Dansk krim - Lånt ebok BookBites
Samuel Bjørk - Hitra - Norsk krim - Lånt ebok BookBites
Kurt Aust - Stumme skrik - Norsk historisk krim - Lyd Storytel
Stefan Ahnhem - En helt annen historie - Svensk krim - Lånt lydbok BookBites
Cara Hunter - Hele sannheten - Britisk krim - Lånt papirbok biblioteket

Påbyrja i mai, fullførast i juni:
Atle Nielsen - Mord og kjærlighet - Norsk krim - Lyd Storytel
Camilla Grebe - Velkommen til Evigheten - Svensk krim - Lånt papirbok biblioteket

5 lyd, 3 ebøker, 2 papir
6 lånt, 4 abonnement
6 krim,  3 historisk krim, 1 biografi/debatt
5 norske, 2 britiske, 2 svensk, 1 dansk
8 menn, 3 kvinner
Nye forfattarar: Bryndza, Høydal

Mai vart ein "Kurt Aust-månad" for meg, sidan eg las bok nummer 4, 5 og 6 i serien om Thomas av Boueberge og Petter Hortten. Det var ikkje planlagt, men då eg hadde "slite meg gjennom" Kongefrykt (bra bok, men heile 626 sider), oppdaga eg til mi store glede at heile serien ligg på Storytel. Eg tykkjer denne serien er lettare/greiare å lytta til enn å lesa sjølv, spesielt sidan det er Anders Ribu som er opplesar. Ribu er som skapt for slike svære forteljingar.
Det kjem ein serieomtale når eg - truleg i løpet av juni månad - har fått fullført serien på 8 bøker. 

Fem av mai-bøkene mine er av årets krimutgjevingar; Skoddehav, Skyggeriket, Hitra, En helt annen historie og Hele sannheten. Eg likte best sistnemnde som er den femte boka i Cara Hunter sin serie om Adam Fawley. Dette er britisk kvalitets-politikrim i Colin Dexter/Inspektør Morse-tradisjon.
Med Hitra stadfestar Samuel Bjørk at han er ein av våre dyktigaste krimforfattarar. Det kjem truleg ein omtale etter kvart.
En helt annen historie er ei kort og spennande bok, ein slags spinn-off frå Fabian Risk-serien. Men denne er ikkje heilt på høgde med tidlegare bøker av Ahnhem.

Til slutt nokre ord om Frihetens øyeblikk: Det mest vesentlege av innhaldet i historia om Abida Raja er alt kjent gjennom media. Boka er viktig - og modig! - og handlar om tildels tabubelagde tema som fysisk og psykisk vald, undertrykking og sosial kontroll. 

Vårlesing: Terningkast 4-bøker

Eit nytt samleinnlegg med korte omtalar/vurderingar.

Skyggeriket av Kim Faber og Janni Pedersen

Aschehoug 2023

410 sider

Lånt ebok BookBites

- Fjerde bok i serien om Martin Juncker.
- Underhaldande, velskriven og ganske spennande.
- Interessant tematikk; klimaterror, kostskular, hemmelege losjar, maktmisbruk, likvideringar.
- God flyt og godt samanskrudd historie.
- Gode personskildringar, ein blir godt kjent med hovudpersonane. Men enkelte av bikarakterane er nokså klisjé-aktige.
- Eg likar den mørke humoren.
- Likevel: Ikkje fullt på høgde med dei tidlegare bøkene, så eit knepp ned frå Kveleren. 
- Terningkast 4+.

Skoddehav av Kristina Ohlsson

Gyldendal 2023

495 sider

Lånt papirbok privat

- Tredje bok i serien om brukthandlaren, bokelskaren og amatøretterforskaren August Strindberg.
- Likskapen med Camilla Läckberg sin Fjällbackaserie er påfallande. 
- Bra underhaldning og veldig lettlest.
- Gjennomtenkt og godt oppbygd plott.
- Tek opp aktuelle tema
- men også ein del unødvendige trivialitetar. Bakekonkurransen og venen Henrik sine damehistoriar kunne godt vore kutta ut.
- Terningkast 4.

Nedtelling av Tina Frennstedt
Vigmostad Bjørke 2021
486 sider
Lånt ebok BookBites

- Andre bok i Cold Case-serien.
- Som den fyrste boka Forsvunnet er handlinga basert på ei verkeleg (kald) sak.
- Har sans for Tess Hjalmarsson, kul og skarp hovudperson.
- Historia går føre seg i "Kurt Wallander-land" (Ystad og omegn i Skåne, kjent frå Henning Mankell sin krimserie) som gjer omgivelsar og landskap gjenkjennbart. 
- Viser kor øydeleggjande uoppklarte drapssaker er, spesielt for dei etterlatte, men ofte óg for heile lokalsamfunn.
- Godt komponert, bra tempo.
- Sakleg, truverdig og realistisk - og kanskje meir interessant enn spennande.
- Terningkast 4+.

Dorthea Bjørk av Bjørn Bottolvs

Liv forlag 2022

215 sider

Lånt papirbok biblioteket

- Ein forfattar som til no "har gått under radaren" for meg.
- Psykologisk thriller av typen "muleg upåliteleg forteljarstemme".
- Å ta del i hovudpersonen Dorthea sine tankar og liv er ganske ubehageleg. På den eine sida får ein medynk og sympati med henne, og på den andre sida forstår ein at ho har gjort noko fælt.

- Fleire uventa hendingar og vendingar.
- Oversiktleg persongalleri, bra framdrift.

- Akkurat passe lang (kort).

- Terningkast 4.

Nine Elms-morderen av Robert Bryndza

Cappelen Damm 2021

Speletid 13:14

Lydbok Storytel

- Fyrste bok i serie, frå endå ein ny forfattar for meg.

- Barskt, bestialsk og tildels grotesk. 
- Likevel ein lovande start på serien, for historia er velskriven og spennande.
- Handlinga får meg til å tenkja på både Hannibal Lecter, Jurek Walther og Jack the Ripper.
- Lite truverdig avslutning og gudskjelov usannsynleg historie.
- Litt for omstendeleg og tidvis dårleg tempo trekker óg ned.
- Terningkast 4.