Dikt og slikt: Den annsame

Kvifor har me det så travelt heile tida?
Diktet nedanfor handlar om at ein aldri stoppar opp for å kjenna at ein lever og om å ikkje sjå menneska rundt seg. 

Jan-Magnus Bruheim (1914-1988) var frå Skjåk og debuterte i 1941 med diktsamlinga «Stengd dør.» Han ga ut 29 diktbøker og 19 barnebøker i løpet av forfattarskapet sitt.

Bilete henta frå https://www.janmagnusbruheim.no/

 
Den annsame

Han har ikkje stund til å stogge
og ikkje tid til å sjå.
Menneske som han møter,
dei ansar han aldri på.

Det gjeld um å fara fort.
Mykje var det å gjera.
Det auka dess meir han fekk gjort.

Så lid det til endes på dagen.
Han står der, studd over stav
og spør: Kva har livet gjeve
og kvar er det vorte av?

Slik jaga han gjennom livet
utan å få det fatt.
Ei glede sprang etter på vegen
men nådde han aldri att.

Frå samlinga «Årringar» (1987)

SNL om Jan-Magnus Bruheim

Nettsida til vennelaget