26. mars 2019

Kort om: En høyere rettferdighet av Hjorth og Rosenfeldt

Lydbokforlaget 2019
Speletid 10:31
Kjøpt lydfil

Etter ein lengre pause var det endeleg klart for eit nytt møte med kriminalpsykologen Sebastian Bergman og dei andre i Riksmord. I denne serien vert det lagt stor vekt på privatlivet og relasjonane dei enkelte personane har til kvarandre: Meir enn normalt innan krimlitteratur, og meir enn sjølve kriminalsakene denne gruppa arbeider med. Før ein startar på lesinga av serien kan det vera greit å vera merksam på dette. Det ligg også i korta at det er viktig å lesa bøkene kronoligisk.

Sidan En høyere rettferdighet er bok nummer seks er me no blitt verkeleg godt kjende med Sebastian, Vanja, Torkel, Ursula og Billy og forholda dei har og har hatt til kvarandre. Me har følgd dei gjennom krevjande saker, personlege kriser, kjenslemessige nedturar og alvorlege traumer. Me kjenner til kompliserte familieforhold og mørke hemmelegheiter. Psykologen og profileraren Sebastian Bergman er den mest sentrale og mest fascinerande karakteren - trass i at han framleis er både kynisk, egoistisk og usympatisk der han stadig vekk trakkar omkring i salaten.

Sjølve kriminalgåta denne gongen er lagt til Uppsala og det handlar om serievaldtekter. Rikskrim vert kobla på når ein av valdtektene endar i drap og det viser seg at minst to av ofra kjende kvarandre. Dei byrjar difor å leita i fortida etter det som kan vera ein samanheng. Etterforskarane opplever press frå alle kantar - frå sjefar, styresmakter, media og publikum - og det virkar som om gjerningspersonen vert meir brutal og meir dristig for kvart nytt overgrep. Etter ymse villspor og tabbar klarar etterforskarane å finna ut kven som står bak dei stygge brotsverka.

Terningkast 4 er litt strengt, men så har då forfattarparet Hjorth & Rosenfeldt lagt lista høgt i og med at dei fyrste bøkene i serien var så knallgode. En høyere rettferdighet er ein velskriven kriminalroman og forfattarane er dyktige som skildrar både folk og hendingar med innsikt og engasjement. Den underliggjande spenninga ligg som alltid meir på korleis og kva måte denne gjengen skal finna ut av sakene dei vert involverte i - og ikkje om dei klarar det. Forfattarane dreg det kanskje vel langt mot slutten med tanke på cliffhanger'ane som gjeld Sebastian, Vanja og spesielt Billy. Dei skapar i alle fall forventningar om ufatteleg spenning og stor dramatikk i neste bok!

Eg har lest alle bøkene i serien som lydbok, og det kan anbefalast. Med Ivar Nergaard som opplesar er ein garantert høg kvalitet også i lydbokversjonen.

Andre bloggmeiningar: Tine sin blogg

7 kommentarer:

  1. Ja, denne kronologien. Har fått siste boka, denne, men har kjøpt de to første pocketbøkene i serien, for å starte der..

    SvarSlett
    Svar
    1. Då har du eit bra utgangspunkt. Trur du kjem til å lika 'Mannen som ikke var morder'.

      Slett
  2. Dette er min første - er på slutten av den nå og synes den er velskrevet og veldig spennende. Har visst gått glipp av de foregående - og det synes som det er en del henvisninger til ting som har skjedd tidligere.(Du har heldigvis ikke røpet for mye i omtalen din)

    SvarSlett
    Svar
    1. Eg er positivt overraska over at du likte denne godt sjølv om det er din fyrste. Det betyr kanskje at kronologien ikkje er så viktig som eg har trudd.
      Eg prøver å spoila så lite som muleg når eg skriv om bøkene eg les. Det er ikkje alltid så lett ;-)

      Slett
    2. Jeg er ferdig med den nå - og synes ikke slutten ble så god som den kunne ha vært - det virket liksom som om det bare var "på tide å avslutte" - så løsningen stod ikke i stil til det foregående. (Og det bør vel komme en oppfølger, for det var jo en spennende "side-sak" der som ikke var avsluttet)

      Slett
  3. Enig med Berit, denne serien er så god at det er verdt å begynne på begynnelsen og få med seg alle bøkene. Jeg kjøpte de første bøkene i pocket for et par år siden, for å begynne igjen, for det er noe med Sebastian-karakteren som "poker" meg :) Takk for lenke Berit, skjønner hvorfor du var streng og ga den en 4`er :)

    SvarSlett