Påbyrja i november, fullført i desember:
Hilary Mantel - Skygger av et liv du kunne ha levd - Britisk memoar/sjølvbiografi - Lånt papirbok biblioteket
Tony Fischier - I mesterens skygge - Svensk krim - Lånt lydbok BookBites
Lese i desember:
Edvard Hoem - Husjomfru - Norsk roman - Lånt papirbok privat
Jane Casey - Den siste datteren - Britisk krim - Lyd Storytel
Kjersti Johnsen - Jul på Himmelfjell hotell - Lyd Storytel [avbraut]
Klas Ekman - De kapable - Svensk krim - Lyd Storytel
Anders de la Motte - Glassmannen - Svensk krim - Lånt papirbok biblioteket og lånt lydbok BookBites
Påbyrja i desember, fullførast i januar:
Ken Follett - Lysets rustning - Britisk historisk roman - Lånt e-bok BookBites
3 lyd, 2 papir, 1 lyd + papir
4 lånt, 2 abonnement
4 krim, 1 historisk roman, 1 biografi
1 norsk, 3 svenske, 2 britiske
4 menn, 2 kvinner
Nye forfattarar: Ekman
Det vart berre 6 fullførte bøker i desember, men totalt 103 bøker i 2023. Eg tykkjer det er bra - for eg har veldig mykje anna enn lesing som eg fyller livet mitt med. Oppsummering av leseåret 2023 og årsstatistikk kjem i eit seinare innlegg.
Eg gjorde eit forsøk på å lesa "julefeelgood" denne månaden, men det var ikkje særleg vellukka. Hovudgrunnen til at eg avbraut lyttinga var likevel ikkje sjølve boka, men opplesaren av lydboka: Ei forferdeleg irriterande stemme som eg ikkje orka å høyra på. Sidan det er uaktuelt å lesa ei slik type bok sjølv på papir eller nettbrett, gjekk eg dermed glipp av Jul på Himmelfjell hotell. Like så greit sikkert..
Deretter ga eg meg i kast med ei anna bok frå ein for meg ny forfattar; Klas Ekman. Her snakkar me "feelbad", og eg må tilstå at det passar meg mykje betre. De kapable er ein spennande thriller, fylt med usympatiske karakterar, ubehagelege situasjonar og masse svart humor. Usannsynleg handling, men veldig underhaldande. I ettertid har eg googla meg fram til at boka vart tildelt Crimetime Award for Årets krimdebut 2021.
Eg likar veldig godt Edvard Hoem sine bøker om sine eigne slektningar, forfedre og formødre. Difor hadde eg store forventningar til Husjomfru som handlar om livet til den yngste dottera til Felemakaren. Boka er slett ikkje dårleg, her får ein fine tidsbilete og eit bra innblikk i eit strevsamt liv. Likevel - eg vart ikkje så betatt og begeistra som eg hadde forventa - og lesinga gjekk merkeleg tregt. Les Tine sin fine omtale av boka.
Den siste boka eg fullførte i 2023 vart Glassmannen av Anders de la Motte. Denne likte eg veldig godt, og eg har så vidt starta på ein omtale.
Med dette ynskjer eg alle blogglesarar og følgjarar, bokormar og lesehestar, eit riktig godt nytt år!
Det var så godt å få kommentaren din på Husjomfru, jeg var veldig usikker på mine egne tanker om boken, men landet på at den er svakere enn de andre, godt å få det bekreftet. Ser vi havnet på samme terningkast, takk for lenke!
SvarSlettGlassmannen har jeg ikke lest, selv om jeg pleier å få med meg Anders de la Motte.
Takk for det gamle Berit, og riktig godt nytt år, gleder meg til å følge deg i 2024 også :)
Godt nyttår!
SlettMe er samstemte om Husjomfru, heilt klart. Bra bok, men sidan dei tidlegare bøkene har vore såå gode, var lista lagt (for?) høgt.
Du kan gleda deg til Glassmannen!
Har ikke lest noen av dine denne gang, men har både Ekmans De kapable og Glassmannen i hylla. Glassmannen skal leses så snart jeg kommer hjem fra Lofoten. Den er jo ganske ny og måtte vente litt, dessuten er den tung og tykk og derfor tok jeg den ikke med meg hit. Sto og veide mellom den og den tredje og nyeste av Mohlin & Nystrøm som fikk bli med, leste den ferdig i går, veldig bra. Ønsker deg et riktig godt nytt år Berit. Ser frem til å følge deg i 2024 også:)
SvarSlettGodt nyttår til deg og!
SlettGlassmannen med sine 600+ sider er jo veldig omfattande, men overraskande rask å lesa. Bra framdrift, korte kapittel, skiftande perspektiv. Men med såpass mange karakterar og trådar at ein må vera konsentrert.