Speletid 10:30
Lånt lydbok BookBites
Forrige veke vart det kjent kven som er nominerte til Rivertonprisen for bokåret 2022; Torkil Damhaug, Johan Høst, Myriam H. Bjerkli, H. S. Palladino og Ingrid Berglund. Eg har kun lest ein av dei (Damhaug) og eg ga Hund uten grav terningkast 5, så her er eg samd med juryen.
No har eg lest ei anna bok som er nominert - og eg kan ikkje fatta og begripa kva juryen tenkjer med. Eg forstår heller ikkje at den same boka fekk terningkast 6 av VG-anmeldar Sindre Hovdenakk. Etter mi meining er En nasjon i sjakk ei dårleg bok.
Det er kan hende slemt å hevda noko slikt om ei debutantbok, men sidan denne har fått så mykje merksemd og så mykje skryt frå anna hald - ser eg ingen grunn til å "pakka inn" meininga mi.Innleiinga er forsåvidt sprelsk og original; statsministaren vert kidnappa og kongefamilien utsett for eit bombeangrep - og eg trur ei lita stund at dette skal bli ei underhaldande leseoppleving. Men ganske snart mistar eg trua.
Eg avstår frå å sei noko meir om handlinga her. La meg i staden grunngi kvifor eg meiner dette er ei overhypa og oppskrytt bok:
- Plottet er svakt og oppkonstruert. 
- Karakterane er flate, eindimensjonale og karikerte.
- Null spenning fordi alt er så lite truverdig.
- Sjakkelementet er irriterande og forstyrrande sidan eg ikkje kan spelet.
- Humoren er pinleg og kunstig.
- Alvoret er påtatt og kunstig.
- Merkeleg komponert og dårleg driv.
- Andre del er for lang og treg.
Kåringa av beste krimbok i 2022 skal skje den 30. mars. Dersom Johan Høst og En nasjon i sjakk skulle vinna då... nei då veit eg ikkje kva eg skal sei.
Eg har i alle fall ikkje noko tiltru til vurderingsevna til Rivertonprisen sin jury lenger.
Andre bloggmeiningar: I Bokhylla, Hverdagsnett
- - - - - - - - - - - -
Redigert 10. april:
Tiltrua og tilliten til Rivertonpris-juryen er gjenoppretta. Årets vinnar vart Torkil Damhaug for boka Hund uten grav. Damhaug er dermed den fyrste som har fått prisen tre gonger. Vel fortent!
Jeg stusset også over den nominasjonen. Jeg har ikke lest boka, men har hørt og lest veldig mye om den, også fra Høst selv da han snakket om boka før den ble gitt ut og etterpå.
SvarSlettDet ligger noen anmeldelser/vurderinger på Goodreads også, som nok er mer i i din gate..dvs er på linje med deg. Jeg kan jo ikke uttale meg om ei bok jeg ikke har lest, selv om jeg har fått nok inntrykk til at jeg selv ikke ønsker å lese den. I alle fall vet jeg at dette ikke er min type bok.
Forfattaren er reklamemann og har vore dyktig til å marknadsføra boka si. Det skal han ha.
SlettEg har fått med meg at det ikkje berre er meg som ikkje er så begeistra.